"مقتبسات واقعي"

أحيانا بتحضر مسلسلات، أفلام بتكون قصتها مشابهة لقصة صارت معك..سواء كانت منيحة أو لا.. قصة بتفرحك او بتكون مؤلمة وبتجرحكك👌.
اليوم انا حضرت فيلم كان كتير بشبه قصص حياتي بشكل عام ذكرني بأشياء كتير مريت فيها مش ضروري تكون نفس قصة الفيلم بس نفس الوجع اللي انتهى فيه الفيلم.
الفيلم بجرح وبوجع كتير وبعرف انو الكل بحكي انا صغيرة عن الوجع وصغيرة ع الكلام هاد صغيرة ع الهموم صغيرة ع كتر التفكير😐 بس بالنسبة إلي قلبي مثل قلب وحدة عمرها 40 سنة متجوزة وحاملة همومها ...قلبي توجع كتير من ناس كتير حتى من ناس ما كنت متوقعة منها هيك تعمل معي *صعب انك تجرح حد جرح كبيير من مجرد مزحة وانت ما بتعرف* وانا هيك بالزبط انجرحت من (أقرب الناس) إلي...انجرحت منهم كتيير ع قصص كانت بالنسبة الهم تافهة لانهم مش حاسيين قديش هي بتجرح اديش كنت أعاني وانا بكتم دمعتي قدام هالمواقف بس لحتى ما احسسهم اني انجرحت منهم ... لما تنسى بفكروك غبي بس ما بفكرو بالمرة اكم طلب طلبو منك وليش انت نسيت بس بنادوك بمصطلح انك *غبيي* طيب ليش!! ما بتحسو انو هالمصطلح بوجع وكتيير واللي بوجع اكتر انو ما بنحكى بمززح بنحكى هالمصطلح بكل جدية بطريقة بتحسسك انك ما الك لزوم بهالحياة انك عنجد غبي ومش حتقدر تعيش باقي حياتك بالحالة هاي والمشكلة انهم كل يوم بسمعوك هالمصطلح لحد ما بتطلع الدموع منك وما بتقدر تكتمها من كتر ما هي مليانة بعيونك ولما يسألوك عن السبب ما بتقدر تحكي لانو مهما حكيت مش حيحسو بوجعك وحيستصغرو عقلكك وبتكون مضطر تكمل حياتك هيك..
وما أصعب انك تفقد حد كان كتير قريب منك كان يعطيك أمل انو مش حيسيبك والله صععببةةةة .. صعب الفراق سواء كان من موت من بعد او حتى من زعل.. بس هيك مكتوب ولازم نعيش اقداررنا زي ما هي مكتوبة ولكن الأهم انو لازم نواجهها بققوةةة لنقدر نكملها بكل راحة..
الحمد لله على كل حال 🌸